حماصنة

مدرس سأل طالب حمصي: "بكرا إنت لمّا تكبر شو بدّك تصير؟"


قله: "ختيار"



حمصي اتصل بالاستعلامات ردّت عليه وحدة.

قلها: "عطيني رقم الإطفاء"

قالتله: "999"

سألها: "يعني تلات تسعات؟"

قالته: "إي"

قلها: "بس أنا ما عندي على تليفوني غير تسعة وحدة"

قالتله: "بحياة الله مَنـّك حمصي؟"

قلها: "مْركـّبة كاشف يا ملعونة؟"



حمصي سأل صديقه: "بتشرب قهوة؟"

قاله: "إذا شربت قهوة ما بقدر نام"

قال الأول: "أنا بعكسك تمام، بس نام ما فيني إشرب قهوة"



مرة وحدة وقفت شوفير تكسي حمصي وقالتله: "نادي الشباب"

قلها: "ناديلن إنتي"



شامي راح لعند بياع فلافل حمصي وقله: "عطيني 3 ساندوتشات فلافل بدون كبيس"

قله البياع: "ما عندي كبيس، ساويلك ياهن بدون بندورة؟"



ضابط بالجيش عم يقول لمجند حمصي: "لك هاي ثالث مرة هالشهر بتطلب مني إجازة، وكل مرة بتقول إنه جدك رح يموت"

ردّ عليه المجند: "إيه والله يا سيدي، أنا كمان بلشت شِكّ إنه جدي عم يكذب"

حمصي سأل أبوه: "بابا بابا، أيمتى بدنا نوصل على أميركا؟"

قله: "خراس وسباح"



حمصي بيسأل رفيقه: "عمرو دياب أخوه لمحمد فؤاد؟"

ردّ عليه: "لا يا أهبل تشابه أسماء"



حمصي اتهموه بالذكاء، طلع براءة!



حمصي اتفق هو ومرته الحامل إذا إجاهن ولد يسموه "مبروك".

وقت ولدت المرا طلعت الممرضة وقالتله: "ألف ألف مبروك"

قال: "أوف! وين بدي روح فيون هادول كلن؟"



اثنين حماصنة كانوا عم يلعبوا شطرنج. قد ما طوّلت المباراة معهم مات الملك بجلطة!



حمصي اتصل بالإطفاء وقال: "إذا ما في حريق ما منشوفكن؟"





صحفي سأل حمصي: "كم نسبة البطالة في حمص؟"

الحمصي: "والله حمص كلها أبطال"